ຈີນ ຕາງໜ້າກຸ່ມ 77 ປະເທດຮຽກຮ້ອງໃຫ້ປົກປ້ອງສິດຂອງຜູ້ອາຍຸສູງ
ສຳນັກຂ່າວສານຊິນຮວາ ເຜີຍແຜ່ວັນທີ 4 ຕຸລາ ນີ້ວ່າ: ຈີນໄດ້ຕາງໜ້າໃຫ້ເກືອບ 80 ປະເທດກ່າວປະກອບຄຳເຫັນໃນກອງປະຊຸມ ຄັ້ງທີ 54
ຂອງສະພາສິດທິມະນຸດຂອງອົງການສະຫະປະຊາຊາດ ເມື່ອວັນທີ 4 ຕຸລາ 2023, ທ່ານ ເສີນຊິ້ວ ຜູ້ຕາງໜ້າຖາວອນຈີນ ປະຈຳອົງການສະຫະ
ປະຊາຊາດທີ່ນະຄອນເຊີແນວ ແລະ ອົງການຈັດຕັ້ງສາກົນອື່ນໆ ຢູ່ປະເທດສະວິດ ໄດ້ຮຽກຮ້ອງໃຫ້ປັບປຸງການປະກັນສັງຄົມໃຫ້ສົມບູນ, ສົ່ງເສີມ
ສິດຂອງຜູ້ອາຍຸສູງ, ເພື່ອເຮັດໃຫ້ຜູ້ອາຍຸສູງທັງໝົດລ້ວນແຕ່ມີໄວຊະລາທີ່ມີຄວາມສຸກ ແລະ ມິພາລະນາໄມສົມບູນ.
ທ່ານ ເສີນຊິ້ວ ໄດ້ຊີ້ໃຫ້ເຫັນວ່າ: ຄຽງຄູ່ກັບຂະບວນການປະຊາກອນທີ່ເຂົ້າສູ່ໄວຊະລາເລັ່ງຂະຫຍາຍຕົວໃນທົ່ວໂລກ, ເຮັດໃຫ້ບັນຫາຕ່າງໆນັບ
ມື້ນັບພົ້ນເດັ່ນຂຶ້ນເປັນຕົ້ນ ຄວາມຍືນຍົງຂອງການປະກັນສັງຄົມບໍ່ພຽງພໍ, ການບໍລິການລ້ຽງດູຍາມຊະລາຂອງເຂດແຄວ້ນຕ່າງໆບໍ່ກ້ຳເກິ່ງກັນ ແລະ
ຜູ້ອາຍຸສູງຖືກຈຳແນກ ແລະ ອື່ນໆ, ສະນັ້ນ, ເຮັດແນວໃດຈຶ່ງຈະສາມາດປັບປຸງການປະກັນສັງຄົມໃຫ້ສົມບູນ ແລະ ເຮັດແນວໃດຈຶ່ງຈະສາມາດຊຸກ
ຍູ້ ແລະ ປົກປ້ອງສິດຂອງຜູ້ອາຍຸສູງນັ້ນຈຶ່ງໄດ້ກາຍເປັນຫົວຂໍ້ອັນສຳຄັນທີ່ປະເທດຕ່າງໆຕ້ອງການແກ້ໄຂຢ່າງຮີບດ່ວນ.
ທ່ານ ເສີນຊິ້ວ ຍັງໄດ້ມີຂໍ້ສະເໜີ 3 ຂໍ້ຄື: ໜຶ່ງ. ປັບປຸງລະບົບປະກັນສັງຄົມໃຫ້ສົມບູນເພື່ອຮັບມືກັບບັນຫາປະຊາກອນທີ່ເຂົ້າສູ່ໄວຊະລາຢ່າງ
ຕັ້ງໜ້າ, ສອງ. ປັບປຸງລະບົບບໍລິການລ້ຽງດູຍາມຊະລາໃຫ້ສົມບູນເພື່ອເຮັດໃຫ້ຜູ້ອາຍຸສູງຮູ້ສຶກໄດ້ຮັບຜົນປະໂຫຍດ, ມີຄວາມສຸກ, ຄວາມປອດ
ໄພ ແລະ ມີຄວາມເພິ່ງພໍໃຈໃຫ້ຫຼາຍກວ່າເກົ່າຢ່າງບໍ່ຢຸດຢັ້ງ, ສາມ. ຊຸກຍູ້ການສ້າງສິ່ງກໍ່ສ້າງອຳນວຍຄວາມສະດວກໃຫ້ຜູ້ອາຍຸສູງເພື່ອສົ່ງເສີມ ແລະ
ປົກປ້ອງສິດຕ່າງໆຂອງຜູ້ອາຍຸສູງ.
ແຫຼ່ງທີ່ມາ: ໜັງສືພິມກອງທັບ
ວັນທີ 09/10/2023